Barack Obamak boterea eskuratzeak AEBen nazioarteko politikan gauzak aldatu dituela jakina da, baina Saharako kontuetan aditu Carlos Ruiz Miguelen arabera Mendebaldeko Saharako auzian ere jarrera berria du gobernu berriak. Bush-en babesa zuen Marokoko gobernuak erreferenduma eta independentziaren aukera ukatzean baina Obamak orain Polisario frontearen jarrera hobesten du, World Tribune egunkariak argitaratutako informazioaren arabera.
Iazko urrian aurreratu zuen Ruiz Miguelek Obamaren garaipena albiste txarra zela Marokoko majzen-arentzat, McCain-en erabateko babesa zutelako okupatzaileen tesiek. Orain, Obama Maroko estutzen ari dela dio, okupazioa legeztatu nahi duen autonomia plana baztertu eta Baker planaren bidea berriz har dezan. Mohamed VI.ren lehenengo erreakzioa NBEren ordezkari Christopher Ross ez hartzea izan da, Ross-ek gatazkan dauden agente guztiengana egindako bisita biran, presio horien aurrean ezezko borobila adierazi guran.
Copia permitida segun