Saharaui herriarekiko elkartasun astea iragan larunbatean hasi zen, VI. elkartasun karabanaren abialdiarekin, eta aste osoan ekitaldiak izango ditugu hiru hiriburutan. Bilbon, Donostian eta Gasteizen hainbat ekitaldi izango dira, 1976ko otsailaren 27an aldarrikatutako Saharaui Errepublika Arabiar Demokratikoaren (SEAD) XXXIV. urteurrenaren inguruan. Hainbat lekutan errepikatuko dira, besteak beste, Aminatu Haidarren abokatu Ines Mirandaren hitzaldiak eta Aziza Brahim & Gulili Mankoo eta Oreka TX taldeen emanaldiak. Egitaraua eskuratu (pdf).
Tres capitales vascas acogen estos días la semana de solidaridad con el pueblo saharaui, que comenzó el pasado sábado con la salida de la VI. Caravana Vasca de solidaridad con el Sáhara. En Bilbao, Donostia y Gasteiz habrá diversos actos en conmemoración del XXXIV. aniversario de la proclamación de la Republica Arabe Saharaui Democrática (RASD), que tuvo lugar el 27 de febrero de 1976. Entre los actos, que se repetirán en diferentes capitales, están las charlas de Inés Miranda, abogada de Aminatu Haidar, y los conciertos de Aziza Brahim & Gulili Mankoo junto a los txalapartaris vascos Oreka TX. Descargar programa (pdf).
Otsailaren 22an egin da kanpamenduetan Sahara Marathon lasterketa, urtero legez, aurtengoa 10. edizioa izanik. Aurten euskal korrikalariak biltzeko deialdi berezia egin da eta, horren ondorioz, aurten 80 euskal maratoilarik hartu dute parte kanpamenduetan egin den lasterketan, guztira 600 lasterkarien artean talderik handiena osatuz.
Euskal Herriko nahiz Saharako musikarien elkarlanaz sortutako diskoa aurkeztu du MusikHerria disketxeak: “الحرية (Hurria). Bi herri, irrintzi bat!” (MH060). Herrien arteko elkartasuna oinarri, estilo anitzeko 20 abesti jasotzen ditu diskoak: rock, hip hop, saharar musika eta poesia, funky, reggae, hardcorea, bakarlariak eta bertsoak.
Diskoaren edukiak doan mp3 formatoan ezarriko ditu eduki libreen aldeko musikarien euren ekimena den disketxe berezi honek, diskoko eduki osoa copyright-ik gabekoa baita, eta irabazi asmorik ez baitute musika salduz. Hala ere, disko formatu erakargarrian erosi nahi duenak jakin beza kostuak amortizatu eta balizko irabazirik balego, Sahararen aldeko euskal ekimenetara bideratuko dela diru hori.
Erosi nahi duenak egunotan Durangoko Euskal Liburu eta Diskoaren Azokan aurkituko du diskoa salgai, zortzi euroren truke, Musikherriaren saltokian. Informazio gehiagorako eta kantu batzuk entzuteko oharra Musikherriaren webgunean irakurri eta irratia.com saioan egindako elkarrizketa entzun dezakezue.
Aminetu Haidarren hamaseigarren eguna gose greban. Albisteak leku guztietatik heltzen zaizkigu eta nola ez, Kanpo Harremanetarako Espainiako Gobernuko Ministroak esandakoak ere. “Gandhi sahararra” ausart jarraitzen du bere aldarrikapenean: El Aaiunera bueltatzea eta Espainiako Gobernuak El Aaiunen sarrera ziurtatzea. Hemen gauden guztiok, Sahararen aldeko lagunek, kazetariek, abokatuek, Frente POLISARIOko ordezkariek, etab. minuturo jarraitzen ditugu albiste guztiak; egia esateko, atzo Robert Kenedy Zentroko ordezkariak esan zigun moduan, kezkaturik gaude Amineturen egoerarekin.
Atzo arratsaldean Agustin Santos, Moratinosek bidalitako ordezkaria, berriz ere hurbildu zen aireportura Haidarren abokatuekin hitz egiteko; batzarraren lekua, fakturazioak egiten diren mostradorea, ez zen gela bat izan, terminalean bertan, lotsagarria. Kazetari guztiak joan ziren haiengana, azken berriak jasotzeko asmoz. Espainiako Gobernuak Aminetu Haidarri lo egiteko beste gela bat eskaintzen zion, aireportutik kilometro batetara zegoena. Benetan sinesgaitza. Emakumeak ez zuen eskaintza hori onartu. Gaur goizean ere, hemen agertu da Gobernuko ordezkaria Haidarri eta abokatuei Lanzarotetik joan behar zuela eta ostegunean bueltatuko zela komunikatzeko. Zurrumurruak daude ostegunean Miguel Angel Moratinosek Lanzaroteko aireportura egingo duen ustezko bisita baten inguruan. Continuar leyendo ‘“Gandhi sahararra” ausart jarraitzen du bere aldarrikapenean’
Estatu espainiarrak Mendebaldeko Saharako gatazkaren inguruan duen iritziari buruz zalantzarik zuen norbait bazegoen, azken hamabostaldi honetan ebatzi ahal izan ditu. Espainiako Gobernua Marokoren aliatua dugu. Nazio artean ezaguna den Giza Eskubideen aldeko aktibista saharar baten bizitzarekin; koldarkeriaz, mespretxuz eta jendarteko iritzia engainatuz jolasteko gai da. Aktibista hau bere herrira eskubide guztiekin itzultzea eskatzen duen gizartearen oihua gutxiesten du, Alauitar Erreinuan duten ezkutuko interesen aurrean.
GOBERNU ESPAINIARRA = JENDARME MAROKOARRA!!!
AMINETU ASKATU!!!
Munduan zehar dabilen Aminetu Haidarren aldeko mugimenduarekin bat eginez; astearte honetan, abenduak 1, 19:00etatik 19:30ak arte Bilboko Moyua Plazan dagoen Espainiako Gobernuko Ordezkariordetzaren aurrean egingo dugun ELKARRETARATZEAren bitartez, Euskal Herriak Herri Sahararrarekiko duen elkartasuna berretsi nahiko genuke.
Deialdia honakoek egiten dugu: SEADen Aldeko “Otsailak 27″ Euskal Elkarteen Koordinakundea, “Euskadi-Sahara” Etorkin Sahararren Elkartea, “Yal-lah” Gazte Ekimena eta Euskadiko Gazte Sahararren Elkartea. Continuar leyendo ‘1 de diciembre, concentración solidaria con Aminetu’
Azaroaren 27an, ostirala, Aziza Brahim kantari saharauiaren kontzertua izango dugu, Oreka TX euskaldunekin, Bilboko Kafe Antzokian. Zentsura At! leloarekin egunotan ospatuko den Zentsuraren Aurkako IV. jaialdiaren baitan izango da emanaldia. Jaialdi honen barruan beste artista batzuk ere izango dira, Gilberto Gil brasildarra eta Rachid Taha argeliarra kasu.
Jaialdiaren helburua zentsura mota guztiak salatu eta hauei kontra egitea da, baita berau pairatu duten artistei laguntza eta babesa ematea ere. Horregatik, edozein herritan, edonoiz eta edozergatik zentsura jasan behar izan duten artistak dira jaialdian parte hartzen dutenak. Aziza Brahim saharauiak berak sarri salatu du Mendebaldeko Sahara okupatuan kantariek libreki abesteko dituzten zailtasunak eta adierazpen askatasunaren aurkako errepresioa. Bere aldarrikapenak oihartzuna izan du eta, hain zuzen ere, hilaren 25ean jasoko du Londresen Freedom to Create saria, “artea justizia soziala sustatzeko erabiltzen duten artisten ausardia” aitortzen duen saria. Ostiraleko kontzertua 21:30ean hasiko da eta sarrerak 15 euro balio du aurresalmentan, 18 euro txarteldegian.
Mendebaldeko Saharari buruzko jardunaldiak izango dira asteburuan Armintzan, bertako kultur etxean, Lemoizko Basordaportu kultur elkarteak antolatuta. Larunbatean, urriak 23, eguerditik aurrera argazki erakusketarekin batera, bertako tradiziozko tresnak eta jantziak ikusi ahal izango dira. 17:30ean Sahara no se vende filmaren proiekzioa izango da eta, ondoren, Mendebaldeko Saharako gatazkaren inguruko hitzaldia, bertako ordezkari baten eskutik.
Igandean, berriz, karabanarako janari bilketaren kanpainiari hasiera emango zaio. Egun osoan ere erakusketa ikusteko aukera izango da kultur etxean.
Barack Obamak boterea eskuratzeak AEBen nazioarteko politikan gauzak aldatu dituela jakina da, baina Saharako kontuetan aditu Carlos Ruiz Miguelen arabera Mendebaldeko Saharako auzian ere jarrera berria du gobernu berriak. Bush-en babesa zuen Marokoko gobernuak erreferenduma eta independentziaren aukera ukatzean baina Obamak orain Polisario frontearen jarrera hobesten du, World Tribune egunkariak argitaratutako informazioaren arabera.
Iazko urrian aurreratu zuen Ruiz Miguelek Obamaren garaipena albiste txarra zela Marokoko majzen-arentzat, McCain-en erabateko babesa zutelako okupatzaileen tesiek. Orain, Obama Maroko estutzen ari dela dio, okupazioa legeztatu nahi duen autonomia plana baztertu eta Baker planaren bidea berriz har dezan. Mohamed VI.ren lehenengo erreakzioa NBEren ordezkari Christopher Ross ez hartzea izan da, Ross-ek gatazkan dauden agente guztiengana egindako bisita biran, presio horien aurrean ezezko borobila adierazi guran.
Larunbateko manifestazioaren deialdiarekin bat egin eta honako agiria plazaratu dute S.E.A.D.en Aldeko ‘OTSAILAK 27’ Euskal Elkarteen Koordinakundeak eta beste hainbat eragilek: Continuar leyendo ‘Sahara okupatuan giza eskubideen bortxaketarik ez!’
Euskadiko Gazte Kontseiluak eta Sahararen Aldeko Nuyum Elkarteak bideratuta “Euskal gazteak sahararekin” lehenengo topaketa egingo dute gaur eta bihar Hondarribian. Topaketa honetan Mendebaldeko Saharako gatazkaren eta saharar gazteen bizimoduari buruzko formazio saioak egingo dira, zeinetan zenbait aditu eta saharar parte hartuko duten, 70 euskal gaztez aparte. Gazte hauek EAE osoko makina bat elkarte ezberdinetako kideak dira eta EGK-k zein Nuyumek koordinatuta 2008ko urritik hasiak dira plataforma hau garatzen. Otsailaren 7 eta 8an izango dira topaketok Hondarribiko Juan Sebastian Elkano aterpetxean.
Datorren asteartean, abenduak 2, Giza-eskubideen aurkako indarkeriak Sahara okupatuan goiburuko hitzaldia emango du Ali Salem Tamek aktibista saharaui ezagunak Bilboko alde zaharreko Burtsa etxean. 19:30ean izango da Euskadiko SEADen lagunen elkarteak antolatutako hitzaldia eta bertan Marokok okupaturiko Mendebaldeko Saharako zatian okupazio indarrek darabilten errepresioaz jardungo du hainbat aldiz atxiloketak, torturak eta gartzela baldintza txarrak ezagututako giza eskubideen aldeko defendatzaile honek.
Datorren igandean, uztailak 13, haur saharauien harrera jaia ospatuko da Donostiako Intxaurrondo auzoan egun osoz. Besteak beste, gaztelu puzgarriak, tailerrak, jolasak, te dastaketa, hennaz eginiko tatuaiak eta Zaki magoaren emanaldia izango ditugu 11:00ak eta 19:00ak bitartean. Ekitaldi politikoa eta herri bazkaria ere izango dira Intxaurrondo zaharreko parkean eta frontoian (bazkarirako aldez aurretik izena eman eta 10 euro ipini behar da jatun bakoitzeko, 626 345 009 telefonora deituta).
Hurrengo asteburuan, Martirien Egunaren bezperan, Herri Sahararraren liderrik nagusi eta karismatikoenaren inguruko hitzaldiak izango dira Gasteiz eta Bergaran. Izan ere, ekainaren 9an El Wali Mustapha Sayed, Fronte POLISARIOaren fundatzaileetako bat eta Saharar Errepublika Arabiar Demokratikoaren lehen presidente eta eratzailea, borrokan hil zutenetik 32 urte beteko dira. Urteurren hau dela eta, “Otsailak 27” Euskal Elkarte Koordinakundeak jardunaldi hauek antolatuko ditu.
Bi mahainguru hauek ekainaren 7 eta 8an goizeko 12etan burutuko dira, Gasteizeko Simone de Beauvoir Eraikinean (K/ Loiolako Ignazio, 8 ) eta Bergarako Mundumira festan, hurrenez hurren. Saguia El Hamra eta Rio del Oro-ren Askapenerako Frontearen laguntzaz, Salek Baba Hassana, SEADen Kooperazio Ministroa, eta Fatma Mohamed Salem, Frontearen ordezkaria EAEn, hizlari bezala izango ditugu. Iraultza Sahararrean aditu bezala ere, Xera gure artean arituko da, Saharan soldadutza egin zuenetik herri honen borrokarekin bat egin duen Bizkaiko SEADen Lagunen Elkarteko kidea.
Continuar leyendo ‘Hitzaldi-mahaingurua: Shahid Luali’
Bruselan du egoitza Fronte Polisarioak Europarako duen ordezkaritzak, Mohamed Ray buru duela. Berria.
Zer-nolako balantzea egiten duzue zuen 35 urteko borroka armatu eta politikoaz?
Herri sahararrak gauza handiak lortu ditu bere borroka subiranistan: gai izan zen bere herrialdearen zati bat auzoko bi estaturen, Marokoren eta Mauritaniaren, eskuetatik askatzeko. Halaber, Maroko behartu zuen autodeterminazio erreferenduma egitea onartzera, nahiz eta oraindik galdeketak egin gabe segitu. Urteotako historiaren errepasoa eginez, Fronte Polisarioa 1973an sortu zen, Espainiaren kolonialismoaren kontra borrokatzeko. 1975ean. Espainiako tropek alde egin zuten, eta Marokok eta Mauritaniak legez kanpo okupatu zuten Mendebaldeko Sahara. Ia armadarik gabe, bi estatu horien aurka borrokatu zen Polisarioa, eta 1979an Mauritaniak tropak erretiratzea lortu zuen. 1991n Marokorekiko su-etena sinatu zuen, NBEren bitartekaritzaz; xedea autodeterminazio erreferenduma egin ahal izateko borrokak etetea zen, baina Marokoren intrantsigentzia eta hark estatu batzuen konplizitatea izatearen ondorioz galdeketa airean da. Continuar leyendo ‘Mohamed Ray Fronte Polisarioak Europarako duen ordezkaria: «Herri sahararrak gauza handiak lortu ditu borroka subiranistan»’
Independentista sahararrek beren aberriarekin duten konpromisoa berretsiko dute gaurko ekitaldietan
Juanma Sarasola. BERRIA. Marokok okupatu gabeko lurraldean dagoen Tifariti hirian 35. urteurreneko jaia ospatuko du gaur Fronte Polisarioak, Mendebaldeko Sahara askatzeko erakundeak. Nazioarteko ordezkaritza zabala espero da ekitaldietan, hala nola Afrika, Europa, Asia eta Hego Amerikako eta gobernuz kanpoko erakundeetako 300 bat gonbidatu. Erakusketa eta musika ekitaldiez gain, desfile militarra egingo du Polisarioak, eta SEAD Saharako Errepublika Arabiar Demokratikoaren presidente Mohamed Abdelazizek hitzaldia emango du. Continuar leyendo ‘Polisarioaren borrokak 35 urte’
Maiatzak 10, Larunbata. Fronte Polisarioaren sorreraren 35. urteurrenaren eguna izango da Urte guzti hauetan, Saharar Herriaren askatasunaren aldeko borrokaren garra bizirik mantendu duen erakundea dugu FRONTE POLISARIOA. Hain zuzen ere, 1973. urteko Maiatzaren 10ean Mendebaleko Sahararen Autodeterminazio eta Independentziaren aldeko erakundea sortu zen. Hamar egun beranduago, 1973. urteko Maiatzaren 20ean, espainiar estatuko indar okupatzaileen aurkako borroka armatuari ekin zion. Hori dela eta, Tolosaldea Sahararekin Sahara Bizi elkarteak bi efemeride hauen inguruan ihardunaldi batzu antolatu ditu MAIATZA BORROKAN lelopean. Tartean ekitaldi politikoa, hitzaldiak, zine proiekzioa eta salaketa konzentrazioa burutuko direlarik. Egitaraua: Continuar leyendo ‘Sahararen gaineko jardunaldiak Tolosan maiatzaren 10etik 20ra’
Apirilaren20an, igandean, 19:30ean, Gasteizko HALA BEDI tabernan SAHARAREN BI AURPEGIAK ikusiko ditugu. Saharako hesiaz bi aldetako testigantzak, errefuxiatuen kanpamenduetan zein lurralde okupatuetan izandako hainbat irratikideren ahotsetan. Ikus-entzutezko emanaldi poetiko-politikoa izango da.
Domingo 20 de Abril, 19:30, HALA BEDI taberna de Vitoria SAHARAREN BI AURPEGIAK. LAS DOS CARAS DEL SAHARA. Testimonios de los dos lados de la valla del Sahara en voca de varios miembros de la radio que han viajado recientemante tanto a los campamentos de refugiad@s como a los territorios ocupados. Espectaculo audio-visual poetico-politico.
Ikurrinaren ordez, egun batez, SEADen bandera ezarri zuen atzo Bilboko udalak Arriaga antzoki aurrean daukan mastan. Ekitaldi txiki baten bidez honako adierazpena irakurri zuen Nekane Alonso udaletxeko zinegotziak: Continuar leyendo ‘Bilboko udalak SEADen bandera ezarri du Arriaga aurreko mastan’
Copia permitida segun